ဟိမဝန္တာတောင် ဆိုတာ မြန်မာတွေနဲ့တော့ အတော်ရင်းနှီးတဲ့ တောင်ဖြစ်ပါတယ်။ ဇာတ်တော်တွေ ၊ ပုံပြင်တွေထဲမှာသာ မက စာအုပ်တွေမှာပါ မကြာခဏတွေ့ရလေ့ရှိတဲ့တောင်ဖြစ်ပါတယ်။ တောင်လို့ဆိုပေမယ့် တောင်တစ်တောင်တည်းမဟုတ်ပဲ တောင်များစွာကို စုပေါင်းခေါ်ခြင်းဖြစ်ပါတယ်။ဧဝရက်တောင်လို ကမ္ဘာ့အမြင့်ဆုံးတောင်တွေစုပေါင်းတည်ရှိရာ တောင်အုပ်စုလည်းဖြစ်ပါတယ်။ နီပေါ ၊ တရုတ် ၊ အာဖကန်နစ္စတန် ဘူတန် ၊ ပါကစ္စတန် ၊ အိန္ဒိယ စတဲ့နိုင်ငံတွေပါဝင်ပါတယ်။ နှင်းများဖုံးအုပ်ထားရာ ကမ္ဘာ့အမြင့်ဆုံးနေရာလည်းဖြစ်ပါတယ်။ သုတဇုန်မိတ်ဆွေများအတွက် ဟိမဝန္တာတောင်ရဲ့ အချက်အလက်တချို့ကို ဗဟုသုတအနေနဲ့ မျှဝေလိုက်ပါတယ်။
– ဟိမဝန္တာရဲ့ အဓိပ္ပါယ်ဟာ နှင်းဗိမ္မာန်ဖြစ်ပါတယ်။ ဧဝရက်တောင်ရဲ့အမြင့်ပိုင်းမှာ ဖုံးလွှမ်းနေတဲ့ နှင်းတွေဟာ ဘယ်တော့မှခဲခြင်းမရှိပါဘူး။ အန္တာတိက နဲ့ အာတိတ်ဒေသ တို့ပြီးရင် ဟိမဝန္တာဟာ ရေခဲစုပုံမှုအများဆုံးနေရာဖြစ်ပါတယ်။
– ဟိမဝန္တာတောင်ရဲ့သက်တမ်းဟာ နှစ်သန်းပေါင်း ၇၀ ခန့်ရှိပြီး ကမ္ဘာပေါ်မှာ သက်တမ်းအနုဆုံးတောင်အုပ်စု ဖြစ်ပါတယ်။ စုစုပေါင်းတောင်ပေါင်း ၃၀ကျော်ပါဝင်ပြီး အဲဒီထဲက တောင် ၉လုံးဟာ ကမ္ဘာ့အမြင့်ဆုံးတောင်တွေဖြစ်ပါတယ်။ မီတာ ၈၀၀၀ အနည်းဆုံးမြင့်တဲ့ တောင်က ၁၄လုံးဖြစ်ပါတယ်။
– ဟိမဝန္တာလို့အားလုံးသိကြပေမယ့် နေရာအလိုက်အခေါ်အဝေါ်ကွဲပြားပါတယ်။ နီပေါတွေက Sagarmatha(စကြဝဠာရဲ့နတ်ဘုရားမ) ၊ တိဘက်တွေက Chomolungma(ကမ္ဘာ့မိခင်နတ်ဘုရားမ) ၊ ဟိန္ဒူတွေက Giri-raj (တောင်တွေရဲ့ဘုရင်) စသည်ဖြင့် အသီးသီးခေါ်ဝေါ်ကြပါတယ်။
– ဧဝရက်တောင်ရဲ့အမည်ဟာ ဗိုလ်မှူးကြီး Sir George Everest ကို ဂုဏ်ပြုတဲ့အနေနဲ့ ပေးထားခြင်းဖြစ်ပါတယ်။
– ဟိမဝန္တာတောင်မှာ နေထိုင်ရှင်သန်တဲ့ တိရစ္ဆာန်တွေကတော့ တောရိုင်းဆိတ် ၊ တိဘက်သိုး ၊ ပန်ဒါဝက်ဝံ ၊ နှင်းကျားသစ် ၊ တောင်ဆိတ် ၊ ဝက်ဝံနက် ၊ ကျား ၊ ကတိုး ကောင် စတာတွေနဲ့ ငှက်မျိုးစိတ်ပေါင်းများစွာ တို့ဖြစ်ပါတယ်။
– ဟိမဝန္တာတောင်ဟာ ကမ္ဘာ့ဧရိယာရဲ့ ဝ.၄% ကို ပိုင်ဆိုင်ပြီး အကျယ်အဝန်းအားဖြင့် ၂၃၀၀၀၀ စတုန်ရန်းမိုင်ခန့် ရှိပါတယ်။
– ရာသီဥတုအပြောင်းအလဲမြန်တတ်ပြီး မုတ်သုန်လေ ၊ နှင်းမှုန်တိုင်း ၊ ငလျှင် ၊ မြေကြောပြတ်ရွေ့မှု ၊ ရေကြီးမှု ၊ လေပြင်းများ မကြာခဏဖြစ်ပေါ်လေ့ရှိပါတယ်။
– ဟိမဝန္တာရဲ့ ဧရိယာအများဆုံးကို နီပေါနိုင်ငံမှ ပိုင်ဆိုင်ပြီး ဧရိယာရဲ့ ၇၅% ကို ပိုင်ဆိုင်တာဖြစ်ပါတယ်။
– ဟိမဝန္တာတောင် ဧရိယာအတွင်းမှာ လူမျိုးပေါင်း ၃၀ခန့် နေထိုင်ကြပြီး အရေအတွက်အားဖြင့် လူဦးရေ သန်း ၄၀ ခန့် ရှိပါတယ်။
– ဟိမဝန္တာမှာ အဓိကသယ်ယူပို့ဆောင်ရေးအရာကတော့ တရုတ်နွားမွှေးရှည်တွေဖြစ်ပါတယ်။
